Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Мәҗит Гафури

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Өндәү

Йа татар! вакыт җитте кузгалырга,
Мәгариф шәмгыданын кулга алырга;
Тәфәккерсез, гафил булып карап ятмый,
Вакыт йитте гыйлем, һөнәр кулланырга!

Бу заман кузгалганга килде форсат,
Бер эздән барча милләт кузгалыр чак.
Һич кеше китереп бирмәс алыңыз дип,
Үзебез авыз ачып карап торсак.

Әфәнделәр! Бу гафләтне куймак яхшы,
Дөнья-ахирәт булсын дисәк йөзебез ак.
Һәр кеше «Мәрхаба!» дип кабул итәр,
Әгәр булса файдасы — күп, сүзебез — хак.

Арамыздан китәрелсен яман эшләр
Шулай булса алга китәр тәмам эшләр.
Ата-баба торган диеп, без дә торсак,
Мотлакан, һәлак итәр бу китешләр.

Һәрбер эшләр көннән-көнгә китсен алга,
Муафикъ тарыз илә бу заманга.
Файдалы эш вөҗүдкә чыксын дисәк,
Карап яту тиеш түгел мөселманга.

Шәмгыдан — шәмдәл.
Тәфәк керсез, гафил булып — уйсыз-фикерсез.
Мәрхаба! — хуш килдегез!
Мотлакан — һичшиксез.
Муафикъ тарыз илә — тиң килгән рәвешендә.
Вөҗүдкә чыксын — барлыкка килсен.