Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Һади Такташ

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

Пасха чаңнары

Шырпы алдым да кулыма, тын гына
Мин юнәлдем бәдбәхетләр йортына.
Күптән инде ниндидер мәҗнүн менә,
Атланып бер таш манара өстенә,
Чаң суга.

Әй, хорафат, искелекнең сакчысы!
Туктыйсыңмы?
Юкса бит, — килдем менә, —
Ут җибәрәм чиркәвеңнең өстенә!
Бар канун, диннән азат күңлем минем,
Иштәсеңме?
Мин үзем тәңре!
Табынсын җир-күгең.
Соң шулай булгач,
Нигә:
Аллаң,
Динең,
Җәннәтең, Гайсаң, Мөхәммәтең синең! —
Сукма, әй, мәҗнүн, хорафат чаңнарын,
Кимсетеп фән һәм азатлык таңнарын.
Ял итә эштән арып кайткан халык, —
Күрмисеңме? —
Тәмле йокыга талып.

Әй, тиле, эшсез халыкның чаңчысы!
Әй, хорафат, искелекнең сакчысы!
Туктыйсыңмы?
Туктыйсыңмы? —
Ә, алаймы?!
Алайса, күр менә:
Ут җибәрдем чиркәвеңнең өстенә!
Әйдә гыйсъянчы тәмугында бүген
Мунча чабынсын ходай,
Гайсаң синең!
 
© 2006—2011, Shigriyat.ru
Мәгълүмат www.shigriyat.ru сайтныннан алынган