Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Сирин

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

Язгы тамчылар

(Тамчылар маршы)

Там,
Тамчы,
Там,
Тамчы,
Тамуыңны яратам,
Тамчы-тамчы
Җырларымны
Ак кәгазьгә таратам.

Язгы тамган
    Тамчыларның
    Музыкасын тыңладым.
Шуңар
    Тамчыланып
    Тамды
Күңелемдәге уйларым.
Там,
Тамчы,
Там,
Тамчы,
    Там!
    Там!
    Там!

Мин дә, тамчы,
    Тамар идем,
    Тамчыланып
    Тамалсам.

Монда тамдың,
Тагын очып
Кай илләргә тамарсың?
Беләм инде, бу — әйләнеш,
Тамар урын табарсың!
Кем ишетер җырларыңны
Мин дә колак салмасам,
Күп чагында, сине тыңлап,
Тирән уйларга батам.
Там,
Тамчы,
Там,
Тамчы,
Бергә тамыйк ичмасам!
Мин дә тамчыланып
Тамыйм:
Көрәшләрдә аксын кан!
 
© 2006—2011, Shigriyat.ru
Мәгълүмат www.shigriyat.ru сайтныннан алынган