Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Сибгат Хәким

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

«Борынгы, иске Веймарда...»

Борынгы, иске Веймарда —
Йортында мин Гетеның.
Чыкты да әйтте карт Гете:
Бераз генә көт, энем.

Көтәмен татар малае,
Мин кечкенә тавышлы,
Өйрәндем бары өченче
Телдән укып «Фауст»ны.

Кердем, адаштым, зур дөньяга,
Менә сиңа, укып үс...
Адаштым... Әйе, яшәгән
Бүлмәләре утыз өч...

Веймарда үзем... Ерактан
Номерда утын күреп,
Тукайны уйлыйм, уйлата
Һәрвакыт үкендереп.

Тарихы мәшһүр бай «Болгар»
Номерның иң өтеген
Биргән аңа, бер бүлмәсе
Кадәр дә юк Гетеның.

Бу — шулай. Беләм, Тукайга,
Беләм, авыр булганын;
Алыштырмас иде барыбер
Читкә салкын « Болгар»ын.
 
© 2006—2011, Shigriyat.ru
Мәгълүмат www.shigriyat.ru сайтныннан алынган