Шәүкәт Галиев

Сөенечкә дисәм...

Кар сулары бетте,
Ярсулары үтте,
    Ташлар тәгәрәми ташкында.
Минем генә йөрәк,
Сагынудан йөдәп",
    Бәйгедәге аттай ашкына.

Аерым торып еллар,
Аймыл булып юллар,
    Нигә синнән читтә узган соң?
Бар шул инде парың,
Янып сөйгән ярың,
    Кулларыңны аңа сузгансың..

Арта уйлар һаман,
Тарта сиңа табан,
    Кыен миңа ялгыз чакларда,
Сөенечкә дисәм,
Көенечкә икән,
    Очрашулар сезнең якларда...