Роберт Миңнуллин - Хатын-кыз ямьсез булалмый :: Шигърият.ру - Татар шигърияте, шигырьләр, шагыйрьләр. Татарская поэзия, татарские стихи, татарские поэты

Шагыйрьләр Кунакханә Проект турында
Интернетта татар сәнгате һәм мәдәнияте белән таныштыру
И туган тел, и матур тел, әткәм-әнкәмнең теле! Дөньяда күп нәрсә белдем син туган тел аркылы. Иң элек бу тел белән әнкәм бишектә көйләгән, Аннары төннәр буе әбкәм хикәят сөйләгән. Г. Тукай
	Роберт Миңнуллин
Дуслар белән уртаклашырга Хаталар төзәтү Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.	шигырьләр биография Хатын-кыз ямьсез булалмый Хатын-кыз ямьсез булалмый, Хатын-кыз чибәр була! Шуны күрмәгән ир-ат ул, Әлбәттә, җүләр була. Хатын-кыз ямьсез булалмый, Юньсезе булыштыра… Кайчакта чип-чибәрләр дә Күңелне кырыштыра. Хатын-кыз ямьсез булалмый — Күрә белергә кирәк, Хатын-кызның күңеленә Керә белергә кирәк! Хатын-кыз ямьсез булалмый — Ул шулай яратылган… Күпмесенә сокланылган, Күпмесе яратылган! Хатын-кыз ямьсез булалмый! Яратсаң, ул нурлана! Болай да матур хатын-кыз Тагын да матурлана! Хатын-кыз ямьсез булалмый — Хатын-кыз матур, матур! Хатын-кызны моннан соң да Ир-атлар матурлатыр! Хатын-кыз ямьсез булалмый Яратылса, яратса… Шул хатын-кыз – кичләр җитсә, Шул хатын-кыз – таң атса! 23.11.03

© 2006—2011, Shigriyat.ru Мәгълүмат www.shigriyat.ru сайтныннан алынган