Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Ренат Харис

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

Кунакка чакыру

Тарихтан килгән юлларны
тагы да такырлап, сез
җәеп кочак, корып табын,
кунакка чакыргансыз.

   Күрешүләр күркәм була,
   ямьле була тагы да —
   рәхәтләнеп без җырласак
   сез чакырган табында.

Бер күрешү — бер гомер ул!
Истә тотыйк моны без.
Аңлашсын йөрәкләребез,
аралашсын моңыбыз.

   Күрешүләр күркәм була,
   ямьле була тагы да —
   рәхәтләнеп бер биешсәк
   мондый күркәм табында.

Йөрәккә тоташ юлларны
тагы да такырлап без,
җәеп кочак, корып табын,
кунакка чакырабыз.

   Күрешүләр күркәм була,
   ямьле була тагы да —
   рәхәтләнеп утырсагыз
   без чакырган табында.
 
© 2006—2011, Shigriyat.ru
Мәгълүмат www.shigriyat.ru сайтныннан алынган