Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Ренат Харис

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

Ак теләк

Алтын-алтын яфраклар
төште, төште учыма.
Алтын-алтын теләкләр
килделәр тел очыма:

   һәр агачны һәр язда
   яшь яфраклар төрсеннәр.
   Кешеләр дә алардан
   гыйбрәт ала күрсеннәр.

Каурый-каурый ак карлар
кунды, кунды учыма.
Ап-ак, ап-ак теләкләр
килделәр тел очыма:

   бетмәс-төкәнмәс юллар
   Җир тирәли китсеннәр.
   Без барасы ак юллар
   ак бәхеткә илтсеннәр.

Сәйлән-сәйлән тамчылар
тамды, тамды учыма.
Матур-матур теләкләр
килделәр тел очыма:

   гөлләр чәчәк атсыннар
   сәйләннәрдән төс алып,
   чәчәк атсын кешеләр
   мәхәббәттән көч алып.
 
© 2006—2011, Shigriyat.ru
Мәгълүмат www.shigriyat.ru сайтныннан алынган