Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Ренат Харис

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

Күзең тими миңа

Синең күзең тими миңа. Тими!
Синең күзләр мине дәвалый —
тамырыма дару булып ага
күз нурыңның җылы дәвамы.
Эретә ул җанның бозын, тозын
һәм агыза күздән яшь итеп.
Кагыл әле бүген кашларыма —
килә бүген минем яшисем
иренеңдә синең тамчы булып,
чагылдырып кичке эңгерне.
Үрел әле, үрел миңа үзең —
күзләреңне үбеп сүндерим,
йә чынлап та алар миңа тияр! —
шундый итеп карап куясың,
әйтерсең лә минем күздә — җәннәт,
әйтерсең мин — бәхет оясы!
 
© 2006—2011, Shigriyat.ru
Мәгълүмат www.shigriyat.ru сайтныннан алынган