Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Ренат Харис

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

Аллаһ кулында

«Әниең Аллаһ кулында...
Өзелә җан җепләре —
аерылабыз, ахры...» — диеп,
әти үксеп җибәрде.

Сиксән яшьлек карт күзеннән
түгелде сабый яше...
Яшәрә хисе кешенең
кайгыда яши-яши.

Сафлана аның күз яше,
гөнаһлар күрә-күрә...
Ахыр чиктә ул саф килеш
туфракка барып керә.

«Әниеңне Аллаһка да
бирмәс идем, улым, — ди, —
ләкин кочаклап тотарлык
көчләре юк кулымның...»
 
© 2006—2011, Shigriyat.ru
Мәгълүмат www.shigriyat.ru сайтныннан алынган