Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Нәби Дәүли

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

Уфа каласы ни өчен матур?

Уфа каласы ни өчен матур?
Беләм, дускаем, беләм серләрен.
Мин синең белән йөрим урамда,
Миңа елмая синең күзләрең.
Очраштым бүген синең шәһәрдә,
Кирәк түгел лә мактап сөйләргә.
Мин дә эндәшмим, син дә эндәшмә,
Уфаның яме — синең күзләрдә.

Карасаң миңа,
Елмайсаң миңа, -
Син дә бик матур,
Уфа да матур,
Бик матур дөнья.

Таудан-тауларга кояш күченә,
Сиңа да миңа балкый шикелле.
Салават батыр корыч атында
Сине дә мине саклый шикелле.
Нинди шәһәрләр җирдә күрмәдем,
Булмады минем кайда йөргәнем.
Уфа дисәләр, сине сагынам,
Уфа дисәләр, яна йөрәгем.

Карасаң миңа,
Елмайсаң миңа, —
Син дә бик матур,
Уфа да матур,
Бик матур дөнья.
 
© 2006—2011, Shigriyat.ru
Мәгълүмат www.shigriyat.ru сайтныннан алынган