Миңа баккан күзләреңнән
Үбәм сине шашып,
Үбәм, миннән башкаларга
Булмасын ул гашыйк.
Күзләрең белән берочтан
Керфегеңнән үбәм
Усал күзләр караганда
Алар төшсен түбән.
Йөрәгеңнән үбәр идем -
Күренми шул йөрәк.
Ай, ул йөрәк, серле йөрәк
Яши тирәндәрәк.
Колак яфракларың синең
Кытыклансын, үбәм.
Беркайчан да усал сүзләр
Ишетмәсен миннән.
Күзләреңнән, битләреңнән,
Маңгаеңнан үбәм.
Җыерчыклар алмасыннар
Минем гаеп белән.
Йөрәгеңнән үбәр идем -
Күренми шул йөрәк.
Ай, ул йөрәк, серле йөрәк
Яши тирәндәрәк.