Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Мифтах Вәдүт

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Тимерчеләр

Тирән-тирән сулап, һава өргеч
Кара күмерләрне яндыра.
Чакы-чокы» чүкеч чыңылдавы
Бертуктаусыз тора яңгырап.
— Өрдер өргечләреңне,
Яндыр күмерләреңне лә,
Күтәр чүкечләреңне,
Һап!..

Чакы-чокы-чак!..
Очкын оча утлы күмерләрдән,
Алтын йолдыз сибелә, диярсең.
Алмаш-тилмәш суга өлгер куллар,
Чүкечләргә тик күз иярсен!
Егет булсаң,
Хезмәт итеп,
Күрсәт син көчләреңне лә,
Күрсәт син көчләреңне!
Һап!

Чакы-чокы-чак!
Чагылып китә маңгай тирләреңдә
Күмерләрдән төшкән яктылык.
Җыр кушыла чүкеч тавышына,
Беләкләрнең көчен арттырып.
Өрдер өргечләреңне,
Яндыр күмерләреңне лә,
Күтәр чүкечләреңне,
Һап!

Чакы-чокы-чак!