Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Мансур Гаяз

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

Эскадрон бара

Эскадрон бара.
Һава тын, коры.
Яңгырап кала
Тояклар җыры.

Егетләр тыныч
Шәп аргамакта.
Билләрдә — кылыч,
Башларда — каска.

Җиңеп дошманның
Канлы сафларын,
Чистартып илнең
Изге туфрагын,

Далалар буйлап
Эскадрон чаба,
Барган юлында
Киртә юк аңа.

Каршылый безне
Авыллар, өйләр,
Түземсез көткән
Апа, әниләр.

Ягымлы караш
Һәм җылы сүзләр.
Яшь белән балкый
Шатлыклы күзләр.

Егетләр батыр,
Мактауга ия.
Бу сафта бара
Комсомолия!
 
© 2006—2011, Shigriyat.ru
Мәгълүмат www.shigriyat.ru сайтныннан алынган