Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Касыйм Вахит

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

Тәрәзәңне ач та

Яшеренмә син яшеннән,
Давылдан качма.
Җәйнең хәтәр көннәрендә
Тәрәзәңне ач та.

Күкне күзәт, тибрәндерми
Керфек очыңны.
Бик якын итеп хәтерлә
Ерак дусыңны.

Яшен алсын бүлмәңдәге
Төннең карасын,
Сибелдереп чәчләреңне
Давыл тарасын.

Давыл, давыл, ул бит минем
Тере хәбәрем,
Якын яшен, ялкын яшен —
Минем сәламем.

Мин сулармын, давыл җирдә
Тынмаса әгәр,
Мин янармын соңгы яшен
Сүнгәнгә кадәр.
 
© 2006—2011, Shigriyat.ru
Мәгълүмат www.shigriyat.ru сайтныннан алынган