Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Илсөяр Иксанова

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

Юл арасы гына...

Синең өең белән минем өем,
Синең илең белән минем илем —
Юл арасы гына.
Йөзләреңне бер күрәсе генә,
Күзләреңә бер багасы гына.

Синең күңел белән минем күңел,
Синең гомер белән минем гомер —
Бер җәй генә ара.
Көзләреңдә сары яфрак оча,
Язларымда таллар яфрак яра.

Синең илең белән минем илем,
Синең гомер белән минем гомер —
Тик бер генә адым.
Җәйләрдән син әллә ашыгып киткән,
Җәйләргә мин әллә соңга калдым.

Синең өең белән минем өем,
Синең күңел белән минем күңел —
Юл арасы гына.
Күзләреңә бер багасы гына,
Моңнарыңда югаласы гына...

Юл арасы гына...
 
© 2006—2011, Shigriyat.ru
Мәгълүмат www.shigriyat.ru сайтныннан алынган