Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Илсөяр Иксанова

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

Юрамагыз

Юрамагыз язмышымны —
Язылмаган маңгаема,
Язылмаган йөзләремә,
Язылмаган күзләремә.

Юрамагыз язмышымны —
Бәхетемне,
Ялгышымны,
Сөюемне, әрнүемне,
Югалтулар,
Табышымны...

Карамагыз җанны телеп,
Сөйләмәгез җанга тиеп.

Күзләремдә зәңгәр хыял,
Алларымда, бәлки, кыя
Бәлки диңгез, бәлки упкын,
Бәлки ярга яткан дулкын,
Бәлки давыл...
Юрамагыз.

Юрамагыз язмышымны.
Язылмаган ул тузларга,
Билгесез ул йолдызларга.
Күзләремә, йөзләремә—
Беркая да язылмаган
Язмышымны үзем язам...
 
© 2006—2011, Shigriyat.ru
Мәгълүмат www.shigriyat.ru сайтныннан алынган