Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Илсөяр Иксанова

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

И бу җаным...

И бу җанның кабынып ашкынуы,
И бу җанның ташып тетрәүләре...
Гөрләвекләр шавы читтә торсын,
Берни түгел язның күкрәүләре!..

И бу җанның сиңа талпынуы,
И бу җанның тулып түгелүе.
Берни кирәк түгел җирдә башка,
Бары синең күрү кирәк мине...

И бу җанның сыглып сыктаулары,
И бу җанның ятим үксүләре...
Кемнәр биргән миңа шундый җанны,
Шундый сөю салган кай җүләре...

И бу җанның әрнеп өзелүе,
И бу җанның сызлап сызулары...
Җаннарымда оҗмах җылылары,
Җаннарымда тәмуг кызулары...