Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Илсөяр Иксанова

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

Җидегән

Классташларыма

Җиде юл чатында учак яктык
Аерылышып китәр алдыннан.
Төнге күктә учак очкыныннан
Йолдыз булып хисләр кабынган.

Җиде йолдыз — безнең йолдыз бит ул,
Безнең йолдыз бит ул — Җидегән.
Җидегезнең җиде хисен тоям,
Йолдыз аша искән җил белән.

Уртак учагыбыз калды янып,
Җиде юлдан киттек җидебез.
Сагынганда бер-беребезнең хисен
Җидегәнгә карап белербез.

Офыкларда алсу шәфәкъ түгел,
Күчкән безнең учак яктысы.
Җиде төндә янар йолдыз булып
Гомер буе килә балкыйсы.

Җиде йолдыз — безнең йолдыз бит ул,
Безнең йолдыз бит ул — Җидегән.
Җидегезнең җиде хисен тоям
Йолдыз аша искән җил белән.
 
© 2006—2011, Shigriyat.ru
Мәгълүмат www.shigriyat.ru сайтныннан алынган