Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Фәтхи Бурнаш

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Ярлыга

Әйдә, ярлы, арма әйдә, алга син юллар яса;
Сайла юл да, таймый омтыл үргә — йолдызларгача.
Ни гомер байлык, «мәһабәт»ләргә кол булдың, җитәр!
Бас югалткан тәхтеңә, каршыңда «гаднан»нар яса!
Кан белән син ни гомер алтын тәхетләр сакладың,
Инде тамган эзләреңдә син кызыл гөлләр яса!
Күпме маңгай тирләреңнән нурлы гөлләр өзделәр,
Ул мөкатдәс тамчылардан инде сөмбелләр яса!
Ач, ялангач гаиләңнең аһ-зарын саз иттеләр,
Инде ул зар урнына сайрар асыл кошлар яса!
Әйдә, түккән күз яшең җәүһәр, көмеш күлләр яса,
Читләрен гөлләр ясап, гөлләрдә былбыллар яса.

Гаднан — җәннәт.