Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Әхмәт Юныс

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

Сугышчы турында җыр

Сафта бара әнә бер егет,
Юк, бер генә түгел — мең егет.
Мең егеттән алда бер егет —
Ул сугышчы, кызлар, белегез.

Яшел кием аның өстендә,
Кызыл йолдыз аның түшендә,
Очкын кала баскан төшендә —
Ул сугышчы, кызлар, белегез.

Сары каеш аның билендә,
Матур мылтык аның иңендә,
Минем бөек туган илемдә —
Ул сугышчы, кызлар, белегез.

Сагыш нуры шаян күзендә,
Моңлы тавыш дәртле сүзендә,
Изге теләк аның күңлендә —
Ул сугышчы, кызлар, белегез.

Туган илен өзелеп сөюче,
Аның өчен утка керүче,
Аның өчен җанын бирүче —
Ул сугышчы, кызлар, белегез.

Сугышларда тиңсез гайрәтле,
Җиңүләрдә чиксез шөһрәтле,
Мәхәббәттә иң саф йөрәкле —
Ул сугышчы, кызлар, белегез!
 
© 2006—2011, Shigriyat.ru
Мәгълүмат www.shigriyat.ru сайтныннан алынган