Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Әхмәт Юныс

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Гөлкәем

Авыр көрәш язында
Язның җылы таңында
Минем окоп янында
Гөл күренде, Гөлкәем.

Килеп төшкән шикелле
Үсеп чыкты җир гөле,
Чәчәк атты шул көнне,
Чәчәк атты гөлкәем.

Гөлгә карап туймадым,
Аны гөл дип тоймадым,
Аны син дип уйладым,
Аны син дип, Гөлкәем.

Дошманнан аны саклап,
Күкрәгем белән каплап,
Мин алга чыгам атлап,
Алга чыгам, Гөлкәем.

Гөлле җирдә туганга,
Гөлдәй ярым булганга,
Утлар ерып мин алга,
Алга чыгам, Гөлкәем.