Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Әхмәт Исхак

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Хакыйкать төсе

Хакыйкать ул
Асылда
Ап-ак була.
Ана сөте төсле
Саф, пакь була.

Хакыйкатьнең була
Кызылы да,
Канга манчылганда
Көрәш кызуында.

Хакыйкатьнең булмый
Чуары, аласы
Һәм шулай ук булмый
Карасы.

Хакыйкать ул
Асылда
Ап-ак була.
Ана сөте төсле
Саф, пакь була.

Хакыйкатьнең очрый
Кайчак сарысы,
Чагылганда аңарда
Җиңелү сагышы.

Тик саклагыз аны
Пычратудан:
Күгәрә һәм пычрана ул
Тик ятудан!