Нәби Дәүли - Татарстан — минем республикам :: Шигърият.ру - Татар шигърияте, шигырьләр, шагыйрьләр. Татарская поэзия, татарские стихи, татарские поэты

И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.

Г. Тукай

Татарстан — минем республикам

Татарстан — минем республикам —
Россиянең матур җирендә.
Ленин аңа үзе исем кушкан,
Зур бәхетләр теләп гомергә.

Багана юк аның чикләрендә,
Сакчы тормый капка төбендә.
Идел аша — тимер күперләре,
Ак юллары — зәңгәр күгендә.

Карлары бар аның, язлары бар,
Ташкыннары җырлый торганнар.
Ераклардан туган йортларына
Сагынып кайта безнең тургайлар.

Умырзая күрсәң гаҗәпләнмә,
Чәчәкләр күп язлар илендә.
Татарстан — минем республикам —
Россиянең матур җирендә.

Көмеш чишмә кайда чыга дисәң, —
Безнең якта андый чишмәләр,
Сандугачлар алсу иртәләрдә
Су алырга кызлар төшәләр.

Гүзәл кызны күрсәң, гаҗәпләнмә,
Гүзәлләр күп каен илендә.
Татарстан — минем республикам —
Россиянең матур җирендә.

Башка илләр миңа кирәк түгел,
Хыялым юк минем ул хакта.
Әкияттәге кебек матурлыкка
Күз алдымда күпме юл ята!

Беркөн барсам — тагын яңа шәһәр,
Тагын барсам — яңа бистәләр.
Мин ышанам хәзер: «Кояшны да
Җир астыннан таптык!» — дисәләр.

Батырларны күрсәң, гаҗәпләнмә,
Батырлар күп татар илендә.
Татарстан — минем республикам —
Россиянең матур җирендә.

Ленин аңа үзе исем кушкан,
Зур бәхетләр теләп гомергә.

Шагыйрьләр Кунакханә Проект турында
Интернетта татар сәнгате һәм мәдәнияте белән таныштыру
И туган тел, и матур тел, әткәм-әнкәмнең теле! Дөньяда күп нәрсә белдем син туган тел аркылы. Иң элек бу тел белән әнкәм бишектә көйләгән, Аннары төннәр буе әбкәм хикәят сөйләгән. Г. Тукай
	Нәби Дәүли
Дуслар белән уртаклашырга Хаталар төзәтү Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.	шигырьләр биография Татарстан — минем республикам Татарстан — минем республикам — Россиянең матур җирендә. Ленин аңа үзе исем кушкан, Зур бәхетләр теләп гомергә. Багана юк аның чикләрендә, Сакчы тормый капка төбендә. Идел аша — тимер күперләре, Ак юллары — зәңгәр күгендә. Карлары бар аның, язлары бар, Ташкыннары җырлый торганнар. Ераклардан туган йортларына Сагынып кайта безнең тургайлар. Умырзая күрсәң гаҗәпләнмә, Чәчәкләр күп язлар илендә. Татарстан — минем республикам — Россиянең матур җирендә. Көмеш чишмә кайда чыга дисәң, — Безнең якта андый чишмәләр, Сандугачлар алсу иртәләрдә Су алырга кызлар төшәләр. Гүзәл кызны күрсәң, гаҗәпләнмә, Гүзәлләр күп каен илендә. Татарстан — минем республикам — Россиянең матур җирендә. Башка илләр миңа кирәк түгел, Хыялым юк минем ул хакта. Әкияттәге кебек матурлыкка Күз алдымда күпме юл ята! Беркөн барсам — тагын яңа шәһәр, Тагын барсам — яңа бистәләр. Мин ышанам хәзер: «Кояшны да Җир астыннан таптык!» — дисәләр. Батырларны күрсәң, гаҗәпләнмә, Батырлар күп татар илендә. Татарстан — минем республикам — Россиянең матур җирендә. Ленин аңа үзе исем кушкан, Зур бәхетләр теләп гомергә.

© 2006—2011, Shigriyat.ru Мәгълүмат www.shigriyat.ru сайтныннан алынган