Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Сибгат Хәким

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Белгәннәр тик тора

Белгәннәр тик тора, белмәгәннәр
Сөйли күбрәк: Муса — баһадир,
Ул — Геркулес... Сөйләсеннәр әйдә,
Син үзеңчә җырла, бәһа бир.

Көн үтсенгә язган җырлар белән
Шаккатырып булмый бу илне.
Буе аның Пушкин, Лермонтовлар,
Тукайлардан килгән буй инде.

Йөрәге дә шуларныкы кебек.
Шагыйрьләрнең юлын кан кискән,
Эше беткәч, алып пистолетын
Безнең чорга чөйгән Дантеслар.

Тоткан фашист җиргә төшкәнче үк,
Ташламаган аны ул читкә;
Испаниянең йөрәгенә аткан,
Лоркаларга аткан, Фучикка.

Тормаган ул сөртеп, чистартып та,
Азатлыкка аны төбәгән.
Яңа буын шагыйрьләрен көтә,
Җәлилләрдән бушап, төрмәләр.