Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Ренат Харис

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Үпкәләмәсәнә

Гомер ага, ага!
Кайчак юлдан сабам,
кайчак сукмак табам.
Гомер ага, ага...
   Үпкәләмәсәнә,
   үпкәләмәсәнә —
   өзелгән сәдәп тә
   әйләнә сәбәпкә.
   Үпкәләмәсәнә...

Утлар сүнә, яна!
Бу фани дөньяда
һәр мизгел өр-яңа.
Утлар сүнә, яна...
   Үпкәләмәсәнә,
   үпкәләмәсәнә —
   ярылган кашык та
   хисләрне ташыта.
   Үпкәләмәсәнә...

Көннәр килә, китә,
йә бәхетле итә,
йә бәхетсез итә.
Көннәр килә, китә...
   Үпкәләмәсәнә,
   үпкәләмәсәнә —
   сүтелгән бер җөй дә
   чыгарадыр көйдән.
   Үпкәләмәсәнә!