Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Ренат Харис

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

Буа җыры

һәркайдагы кебек Кояш,
Йолдызларың һәм Аең —
шулай да син күпләрдән
яктырак, Буакаем.

Әй, Буам-Буакаем!
Җаннарыма җылы алам
кайтып бер күргән саен.

һәркайдагы кебек таллар,
наратлар, юкә, каен —
ә шулай да син күпләрдән
ямьлерәк, Буакаем.

Әй, Буам-Буакаем!
Җаннарыма җылы алам
кайтып бер күргән саен.

һәркайдагы кебек кышлар,
моңлы көз, көләч маең —
ә шулай да син күпләрдән
серлерәк, Буакаем.

Әй,Буам-Буакаем!
Җаннарыма җылы алам
кайтып бер күргән саен.
 
© 2006—2011, Shigriyat.ru
Мәгълүмат www.shigriyat.ru сайтныннан алынган