Интернетта татар сәнгате
һәм мәдәнияте белән таныштыру
һәм мәдәнияте белән таныштыру
Ренат Харис
Дуслар белән уртаклашырга
Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм
Ctrl+Enter төймәләренә басыгыз.
"Ачу-үч өермәсенә башымны ташладылар..."
Ачу-үч өермәсенә
башымны ташладылар,
агу белән сүзләремнең
тамырын ашладылар —
йә тынсын, йә фикереннән
атылсын диеп янау,
түзмәс диеп, ялгышыр дип,
бирешер диеп санап.
Ачу-үч өермәсендә
бер очтым, бер мәтәлдем,
сүземне, канымда юып,
кешечә әйтә алдым.
Теләүчеләре аңлады...
Ә дошманнар?.. Алары
«Сүзендә — кан исе!..» — диеп
ярдылар бугазларын.
© 2006—2010 Shigriyat.ru
Мәгълүмат www.shigriyat.ru сайтныннан алынган