Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Нури Арсланов

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Тылсымлы иртә

Болыт кызы уйный
Кояш арфасында, —
Язгы иртә тыңлый
Яшел арбасында.

Ул атларын җиккән,
Бар да яшел яллы,
Япмалары чиккән,
Һәр бизәге җанлы.

Калгый серле моңнар,
Җир тирән тын ала,
Сызыла алтын кыллар
Чыңлап тора һава.

Яфраклардан тама
Чык-яшь бөртеклйре,
Баллы дымын кага
Чәчәк керфекләре...

Миңа язгы назның
Сере аңлашыла:
Мин утырам язның
Яшел арбасында.

Менә чыгам юкка —
Эреп бетәм мин гел —
Мин һавада, чыкта...
Мин — беркем дә түгел.

Аң шат ирек тоеп,
Ни сан матдә тәнгә:
Калгып торам оеп,
Бөтен дөньям — мәгънә!

Болыт кызы кигән
Купшы көмеш киемен;
Бер аңлармын микән
Серен хәят көенең?..

Сылу чакыра көлеп,
Рухым күккә менә —
Гаҗәп моңнар кереп
Тула күкрәгемә!..