Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Мөдәррис Әгъләмов

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр

«Нарасый вакыты яшьлекнең...»

Нарасый вакыты яшьлекнең,
Мәңгелек вакыты дуслыкның —
Без икәү бер кызны яраттык,
Ялкынын тоябыз бер утның.

Ә аңа кайсыбыз ут безнең,
Кайсыбыз кадерле — белмибез...
Ирләрчә сөйләштек үзара,
Юл бирде беребез.

Шундый зур көч тапкан бөек җан
Таптымы икән соң юаныч?
...Беребез юл бирде...
Һәм китте...
Мин түгел идем ул —
Кызганыч.

7 ноябрь, 1966 ел.
 
© 2006—2011, Shigriyat.ru
Мәгълүмат www.shigriyat.ru сайтныннан алынган