Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Ярлы Кәрим

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

Бүгенге марш

Хәзер тормыш безнең илдә
Тынычланды, җайланды;
Тынычланды, җайланды;
Эшчеләрнең йөрәкләре
Кызылланды, алланды...
Эшчеләрнең йөрәкләре
Кызылланды, алланды...

Хәзер гөрләп, бергә-бергә
Җимерек илне төзибез,
Җимерек илне төзибез,
Үзебез — тәхет, үзебез — патша
Үзебез, үзебез, үзебез!
Үзебез — тәхет, үзебез — патша
Үзебез, үзебез, үзебез!

Әйдә, чүкеч, өз тимерне!
Яңгырасын Җир шары!
Яңгырасын Җир шары!
Ишетелмәсен күп-күп еллар
Шаулап килгән ил зары!
Ишетелмәсен күп-күп еллар
Шаулап килгән ил зары.

Ишетелмәсен мескен, гарип,
Ятимнәрнең егълавы;
Ятимнәрнең егълавы;
Ишетелмәсен даңгыр-доңгыр
Чиркәүләрнең кыңгыравы;
Ишетелмәсен алла-валла
Мәчетләрнең ыңгравы!

Безне алар артка таба —
Артка таба өндиләр;
Артка таба өндиләр;
Җитәр-җитәр, бик күп бездән
Шаркылдашып көлделәр!..
Җитәр-җитәр, бик күп бездән
Шаркылдашып көлделәр!..

Тәхте-таҗы патшаларның
Җимерелсен, тапталсын!
Җимерелсен, тапталсын!
Бөтен дөнья эшчеләре
Моны белсен, шатлансын!
Бөтен дөнья эшчеләре
Моны белсен, шатлансын!
 
© 2006—2011, Shigriyat.ru
Мәгълүмат www.shigriyat.ru сайтныннан алынган