Исхак Хәйруллин

Габдулла Тукаев

Үз милләтен сөйгән кеше,
Милләт өчен көйгән кеше,
Аһ-ваһ итеп йөргән кеше —
Бар иде бер Габдулла.

Шигырь язды — ялыкмады,
Язудан һич тарыкмады,
Яза гына бирде, язды —
Милләтен сөйгән Габдулла.

Нәрберләрне тигез сөйде,
Татарлар өчен ул көйде,
Иртә торып ул тотынды
Шигырь язарга Габдулла.

Ләкин алай булса да ул,
Татарларга салса да юл,
Арды аның бервакыт кул —
Каберлеккә китте Габдулла.

Милләтенә сөйгән кеше,
Милләт өчен көйгән кеше,
Аһ-ваһ итеп йөргән кеше
Үлеп киткән инде хәзер.