Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 

Дәрдмәнд

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы

Кышкы төн

(Пушкиннан)

Буран өермә бөтерәдер,
Уйный, кар җирдән ала:
Я җанварлардай үкерәдер,
Я егълый гүя бала.
Я бер крыша ябучыдай
Түбә саламын чәчә,
Я кич калган бер юлчыдай,
Тәрәзә капкачын эчә.

Бу искергән алачыгым
һәм караңгы, һәм төссез,
Нишләп утырасың, карчыгым,
Тәрәзә төбендә сүзсез?
Юкса буран улавыннан
Ялыкуыңмы, әбкәем,
Я орчыгың шулавына
Талыктыңмы, әбкәем.

Кил эчәек бергә, килче,
И яшь чагым юлдашы,
Кил эчәек, килче-килче,
Китсен күңел сагышы!

Җырла миңа - бер ковд ничек
Чит илләрдә гомер иткән;
Җырла шуны - бер кыз ничек
Иртәнчәк суга киткән.

Буран өермә бөтерәдер,
Уйный, кар җирдән ала:
Я җанвардай үкерәдер,
Я егълый гүя бала.
Кил эчәек бергә, килче,
И яшь чагым юлдашы,
Кил эчәек, килче-килче,
Китсен күңел сагышы.

1907