Шагыйрьләр Кунакханә Проект турында
 
Интернетта татар сәнгате
һәм мәдәнияте белән таныштыру
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Г. Тукай
 
 

Бари Рәхмәт

Дуслар белән уртаклашырга

Хаталар төзәтү
Әгәр дә сез орфографик хата тапсагыз, хаталы сүзне тычкан ярдәмендә билгеләгез һәм Ctrl+Enter төймәләренә басыгыз.
Orphus системасы
шигырьләр биография

Бабай белән дедушка

Бабай белән дедушка
Бергә йөриләр эшкә,
Бабайның исеме Рәхим,
Дедушканың — Трофим. —
Әби карчык — Мәрфуга,
Ә бабушка — Матрена.
Кече улы Рәхимнең
Яшь кияве Трофимның
Кияүнең исеме Риза,
Киленнең исеме Лиза.
Әби Лизадан риза,
Лиза әбидән риза.
Мәтрүнә кодагый да
Мәрфуга кодагыйга
Яхшы карый, мактый бик:
«Кудагый бик якши» ди.

Әби белән бабушка,
Бабай белән дедушка —
Кодагыйлар, кодалар,
Бик күңелле торалар.
Бабай сөйли көлдереп,
Ниләр булганны элек:
— Раньше девками гулять,
Русский девке взять
Китап «грех» дип писал.
Мулла никах не читал.
Теперь инде можно, — ди.
Ул заманнар узды, — ди.
Бабай белән дедушка,
Әби белән бабушка — 
Кодагыйлар, кодалар
Хәйран гына торалар.
 
© 2006—2011, Shigriyat.ru
Мәгълүмат www.shigriyat.ru сайтныннан алынган